يا رب لا تترك لجام الأرض
بتصير ديبِه عِتق جوعا سْنين
مبارح مِشي بالطول خَطّ العَرض
من تَحت تركيّا ومعو سكّين
وفي أمّ قبل الصبح ما نادا
كانت بِـ بَيتا للدفا زهره
صار ضَهرا سَطح عَ ولادا
وصار سطح البيت عا ضهرا
البَيّ اللّي ما بتفرق مَعو مِن هَدم
بَيتو… بِكي عا رَدم زلزالو
عيالو انْزَرعو زغار تحت الرَدم
مْن الرَدم ما بِيفَرّخو عيالو
البنت اللّي قبل الضوّ سمعِت صَوت
المَوت… عَم بيقول "حبَّيتا"
هاك لْ ما كانت سامعه بالمَوت
صَفّا پْروڤِة مقبره بَيتا
