كتابات تستحق النشر

دموع بالشنتَه

يا ولاد كيف بتكبَرو وما شافكُن

قلبي وشِبِع؟… كيف الوطن فيكن كَفَر؟

فزعان ما يرتاح حمل كْتافكُن

ما بين شنتة مدرسه وشنتة سَفَريا ولاد… كزبِه كلمة الـ "بَكّير"بْـ لحظه بيصير بْـ آخرو الدَفتَر

لا تكَتّرو ضحك… الضحك الكْتير

بِيطالب صحابو بْـ بكي أَكتَر

وبُكرَه بِـ شنتات السَفَر تخمين

مِن بَعد ما يِتغَيَّر العنوان

شو صعب نَعرِف مين فاضح مين

الدَمع اللّي فَوق تياب مكويِّين

يَمّا عِينَينا لْ جَعلكو بْـ لبنان