نعمان الترس

كتابات تستحق النشر

نار سَودا

18 آب 2021

02 : 00

بْـ لبنان فَكّ الصَيف عرزالو

ولسان حال النار عَن حالو

وعَ تخوت عكّار لْ ما عندا نَوم

مَحروق عايِش شاف حدّو اليوم

مَحروق ميِّت… قال: نيّالو



والعسكَري ل زندو بَرَق

وصَوتو رَعَد… سيّاف

يا حَيف يسكُن عالوَرَق

رتبِه بدون كتاف…

لا انْشاف عَ جبينو العَرَق

ولا انْشاف حَقّو اللّي انْسَرَق

مبارح مِن العازِه احتَرَق

ولَوما احتَرَق… ما انْشاف