بعد حادث السير المروّع الذي تعرّضت له الممثلة ريتا حرب ومدرّبها في التمثيل بوب مكرزل في مدينة اسطنبول التركية منذ أسبوع، طمأن الأخير متابعيه ومحبي حرب على صحتهما. ونشر الصورة الأولى بعد الحادث والتي لم تظهِر فيها إلا يده ويدها، قائلاً: "تجربة قطعناها سوا، وقمنا منها بسلامة ووعدنا حالنا وبعضنا وعد، انو نرجع نقوم ونمشي لو شو ما صار، وأسرع وقت"، مضيفاً: "علاقتي فيكي قبل الحادث كانت شي، وهلّق صارت شي تاني بحبك كتير وحبيت قدي انت قوية وارادتك للحياة قوية".
وتابع مكرزل: "في امور بتصير معنا بتغيرلنا نظرتنا للحياة لو بتفاصيل زغيرة وهيدا الحادث علّمني كتير وغيرلي نظرتي لكتير امور، اول مرة قدرت اقعد على الكرسي قلت كتر خير الله وانبسطت اني قعدت وبعدها صفنت قدي كنت اقعد وقوم بنهار الواحد وما كنت عارف يلي عم اعملو قبل هل قد مهم الحمدالله قطعت على خير و يلا "new adventures". وختم رسالته الى متابعيه: "شكراً لكل حدن اطمن علي وخاف علي، شكراً على صلواتكن لوصلتلي وحميتني".
