أهراءات القمح عا بالا تحكي:
" سنتيْن صرْلي … ما كنِت إركَع
والموت جاري … والبحر جاري
والنّار عم تاكل مِنِ حْجاري …
مدري حبوب القمح عم تولَع
مدري بِ قلبي والعَه ناري …
سنتيْن صرلي بسمَع وْبقْشَع
وْيمرق عَ راسي بايع وْشاري …
ويْن اللي قالو : الفجر رح يطلَع
وين العدالِه ؟ وين "بيطاري"؟
وين اللي قاطش ديْنتو … يسمَع
هلْ كان داري وْقال : مش داري
ما زال هيْك وْهيْك رح أوقَع
لازم يِجي بكرا عَ كعبي يْنام
وْأوقَع عَ راسو … وْآخد بْ تاري"