طبعت جلسة قبل الظهر من اليوم الأول لجلسات مناقشة الموازنة العامة سلسلة مواقف طريفة و"نهفات" تخلّلها "أخذ وردّ" بين النواب الحاضرين، ما دفع الرئيس نبيه بري للتدخل أكثر من مرّة لضبط الوضع على طريقته.
ففي مستهل كلمته، توجه نائب رئيس مجلس النواب الياس بو صعب بالتهنئة الى فرقة ميّاس لمناسبة فوزها بلقب America’s Got Talent، ليعلّق برّي بالقول: "لازم نغترب كرمال نصير لبنانيين!".
الرئيس #نبيه_بري رداً على النائب #إلياس_بوصعب بعد تهنئته لفرقة #ميّاس : لازم نغترب كرمال نصير لبنانيين! pic.twitter.com/iipsjKjZhm
— AL Jadeed Tv (@AlJadeed_TV) September 15, 2022
أمّا النائب بولا يعقوبيان فتوجت الى بري بالقول: "صرلك زمان ناطر هالأيلول ليش بعد ما دعيت لجلسة انتخاب رئيس؟"، عندها انتفض عدد من نواب التيار الوطني الحرّ وهاجموا يعقوبيان، حيث قال أحدهم: "خبرينا وين كنتِ ومنين جايي؟... بلا هالتمثيلية".
#بولا_يعقوبيان لـ #نبيه_بري : "صرلك زمان ناطر هالأيلول ليش بعد ما دعيت لجلسة".. ونواب التيار يعلّقون: "خبرينا وين كنتِ ومنين جاي"! pic.twitter.com/HUlHsuvafX
— Al Jadeed News (@ALJADEEDNEWS) September 15, 2022
وعندما استدعى الرئيس بري النائب جورج عدوان لإلقاء كلمته، اعترض النائب سجيع عطية قائلاً: "بالتسلسل انا قبل عدوان... الياس ابو صعب ما بيحبني، ما فيك تتكل عليه عطول، أرثوذكسي، بس استاذ جورج بيمون".
سجيع عطية يطالب بأولوية الدور قبل جورج عدوان: الياس بوصعب ما بحبني ما تتكل عليه عطول.. ونبيه بري يرد: معك حق! pic.twitter.com/qGrjpqMPEc
— Al Jadeed News (@ALJADEEDNEWS) September 15, 2022
وبعدما أنهى عدوان كلمته توجه عطيه مجددا اليه بالقول: "عطيت انطباع انك متفق انت وابراهيم كنعان. يا ريت تضلّوا متفقين عطول هيك".
فرد كنعان: "ولا يهمك بالأمور الكبيرة متفقين عطول!".
#سجيع_عطية لـ #جورج_عدوان و #ابراهيم_كنعان : "يا ريت عطول متفقين هيك".. وكنعان يرد: ولا يهمك بالأمور الكبيرة متفقين!@IbrahimKanaan@GeorgesAdwan pic.twitter.com/2LySvpjPmO
— Al Jadeed News (@ALJADEEDNEWS) September 15, 2022
