أعربت الفنانة نجوى كرم عن غضبها تجاه السلطة الحاكمة، وغرّدت قائلة: «البلد انهار، والنّاس عم بتموت، وإنتو بعدكن عم بتفتّشوا كل واحد، وين بدّو يكون مركزو».
وتابعت: «يا عيب الشّوم. حبّوا وطنكن، يا حَبّيبين المال. حبّوا ولاد وطنكن، يا حَبّيبين المناصب»، وختمت كرم: «جمّعتوا أموالكن، وقسّمتونا. لازم يتقَسَّم عليكن، لنخلص من الشّياطين اللي فيكن».
اقترح الإعلامي والناقد الصحافي جمال فيّاض على رئيس الجمهورية العماد ميشال عون «تنظيم حفل مزاد علني بعنوان «دعماً لسداد جزء من ديون لبنان» يدعو إليه كل المتموّلين اللبنانيين، وخصوصاً النواب والوزراء من الصناعيين ورجال المال والأعمال الذين دفعوا الملايين ليكونوا على لوائح إنتخابية». وأضاف عبر «تويتر: «سنرى حينها كم سيقدموا لحبيب قلبهم لبنان ودولته العظيمة!».
اعتبرت الفنانة إليسا أنّ جريمة اغتيال الصحافي جبران تويني، هي من «أبشع أنواع الجرائم».
وغرّدت قائلة: «بمتل هالنهار، أبشع جريمة بتاريخ لبنان الحديث انعملت. لحقو صحافي لكلامو وجرأتو بكل جبن، لحقوه من المطار عا بيتو، قتلوه بكل متفجرات الحقد اللي عندن ياها، وفكّرو حالن بيسكّتو شعب كامل. هالسنة انتقمنالك يا جبران... ما سكتنا!».
غرّدت الفنانة ندى أبو فرحات متوجّهةً الى السلطة الحاكمة بالقول: «ما في أوقح منكن بشر! ما في أوقح من صمتكن أمام الأمهات المفجوعة، أمام الجوع وشحادة الطبابة! ما في أوقح من ابتساماتكن أمام الثوار. رح نضل واقفين بوجكن يا ولاد الهيلا لحتى يكبرو ولادكن عصورة شعب واقف بوج الفساد وعم يطالب بحقوق، البابا آكلن ياها».
توجّهت الإعلامية كارين سلامة شلهوب الى الشعب الّلبناني بالقول: «يا شعب لبنان طلع مشكلة بلدنا من الفقر، من النهب، من المآسي يللي عم نعيشها سببها الشتيمة، كيف ما اكتشفناها هي من قبل؟ يلا خلينا نعدم الشتيمة بالساحات العامة وبتخلص مشاكلنا»، وأضافت: «خلصونا بقى يا ريت بتركزوا على المشكل الرئيسي».
استشهدت الفنانة سيرين عبد النور بالإمام موسى الصدر، واصفة السياسيين بـ «الآفة والبلاء».
ونشرت صورة لقول الإمام، وهو:»أنتم أيّها السياسيون آفة لبنان وبلاؤه وانحرافه ومرضه وكل مصيبة. إنكم الأزمة، ارحلوا عن لبنان»، لتعلّق عليه قائلة: «من زمان وجر».
رأت الممثلة باتريسيا قسيس شماس عبر «تويتر» أنه «ما في شي رح يخلينا نرجع نوثق بهالطبقة السياسية الفاسدة....و إنو كل شي مباح للأبضايات والزعران تبعن بس التعبير السلمي من شبابنا يللي عم يطالبوا بأدنى حقوقنا الإنسانية ممنوع ونحاكم عليه».
علّق الإعلامي وسام بريدي على الأوضاع الأخيرة بالبلد مغرّداً «دنب الكلب أعوج لو حطوه بمية قالب»، وأضاف: «السلطة يا بترفعك يا بتنهيك».
