بينتخبوني ما بينتخبوني. بينتخبوني ما بينتخبوني. مرّ شهر. مرّ شهران. مرّ تسعة وعشرون شهراً مات من مات. عاش من عاش. سقطت أنظمة."هرهر" لبنان و"نَتفُ" مزهرية الـ "مارغريت" اليومي متواصل: بينتخبوني أولاد الأفاعي ما بينتخبوني... وانتخبوني.
أوعا خيك. مش أوعا خيّك. أوعا خيك. مش أوعا خيك. أوعا خيك لأ مش أوعا خيّك... خيّ ارتحت من خيي.
بتجي الكهربا ما بتجي الكهربا. بتجي الكهربا ما بتجي. بتجي ما بتجي. تعا وما تجي. وعمرها ما تجي.
حبلى؟ مش حبلى. حبلى؟ مش حبلى.
صوت تفضيلي على صعيد الدائرة أو ==على مستوى القضاء؟ دائرة. قضاء. دائرة. قضاء. دائرة قضاء. ق....ق....ق..... قُضي الأمر وشرقت شمس الحق.
جبران أو شامل. شامل أو جبران. شامل وجبران أو جبران وشامل. جبران؟ مش جبران. جبران مش جبران. آخر ورقة جبران.
بحبكن كلكن لأ مش كلكن. بحبكن كلكن يعني كلكن. بحبكن كلكن لا ما بحبكن. بحب تلتكن... مش تلتكن. بحب ربعكن.
أنتظر قبوله التكليف. لن أنتظر. أنتظر ولماذا أنتظر؟ أنتظر فلأنتظر. أنتظر؟ خلصنا دلع. لن أنتظر.
أنا رايق مش رايق. رايق مش رايق. رايق مش رايق. اسكتوا. رايق مش رايق. رايق...
أُجري إستشارات لن اُجري. أجري لن أجري. أُجري لن أُجري. سأُجري ومتل إجري.
ميثاقية مش ميثاقية. ميثاقية مش ميثاقية. ميثاقية مش ميثاقية.
نعم ميثاقية... ولكن. مثل فيلم "عذراء ولكن".
صابغ مبارح شعره أو مش صابغ؟ صابغ. مش صابغ. صابغ مش صابغ.الأرجح صابغ.
أرنب؟ مش أرنب. أرنب مش أرنب. أرنب مش أرنب. أرنب مش أرنب. مش أرنب إنما "جِدِي نقّيق".
تكنوسياسية؟ مش تكنوسياسية. تكنوسياسية؟ لأ مش تكنوسياسية. تكنوسياسية؟ لأ مش تكنو سياسية. آلو حاج وفيق؟ لا مش تكنوسياسية.
بيحقلّو جبران يسمّي الوزراء ما بيحقلو. بيحقلّو ما بيحقلّو. بيحقلّو ما بيحقلو. وعلى طريقة الكاتب مروان نجار: ما بيحقلّو وصحّلو.
أحمق؟ مش أحمق. أحمق؟ مش أحمق.أحمق مش أحمق. لا أحمق.
الطبش؟ أسود. الطبش؟ أسود. الطبش؟ أسود. الطبش طابشة أسود.
وختاماً أصل إلى جوهر الـموضوع: بتحبني؟ ما بتحبني. بتحبني ما بتحبني. بتحبني ما بتحبني. أتيت على كل الـ "مارغريت". بتحبني؟ ما بتحبني. بتحبني؟ ما بتحبني. أكملت على الجوري والياسمين ونتفتُ ثلاثة آلاف باقة من التوليب بزهورها الـ 36 ألفاً، خلص الزهر والورد نتفت ما وقع تحت يدي من الزهور الإصطناعية وأنا أردد بتحبني؟ ما بتحبني. بتحبني؟ ما بتحبني... وأخيراً عرفت.
