توجّهت الفنانة حلا شيحا برسالة الى المرأة العربية على"إنستغرام"، قالت فيها: "الستّ قوية فعلاً.. قوتها في طيبة قلبها وحنيتها.. سر قوتها في ضعفها أحياناً وجمالها في بساطتها".
وتابعت: "الستّ فعلاً قوية لأنها مخلوقة بفطرتها أمّاً، تمتلك نعمة خاصة غير موجودة عند الرجل لتتحمل ظروف الحياة وصعوبتها مع تربية أولادها واهتمامها ببيتها وزوجها.. الستّ قوية فعلاً علشان ربنا خلقها جميلة بكل تفاصيلها".
وأضافت شيحا:"الستّ القوية لازم تتأكد أنها قوية لأن جواها سر الحياة كلها، بتبني وبتربي وتكبر، وبإيدها بتزرع كل الخير والسعادة، وأولادها بيكملوا طريق الحياة لحياة أفضل.. الستّ قوتها في أنوثتها وهدوئها وابتسامتها وثقتها في نفسها.. وكوني دايماً قوية تعرفين قيمة وجودك وأنت غالية وعالية".
ووجّهت شيحا نصيحة للمتابعات قالت فيها: "إوعي تقللي من نفسك ولا من مشاعرك ولا طيبة قلبك ولو حبيتي إنسان مقدّرش ده فيكي سيبيه فوراً ومتخليش طاقته السلبية تأثر فيكي أو تفقدك ثقتك في نفسك".
وختمت رسالتها بالقول: "الست القوية دي كل واحدة فينا جوانا كوني قوية علشان نفسك وحبايبك اللي محتاجينك.. لكل ست عربية أُكِن لكي كل الاحترام والتقدير وأعرف إن كثيراً من السيدات يعانون من صعوبات الحياة افتكروا دايما أنتن الأجمل والأقوى".
