بْـ بَيروت غَيم الصيف عَم يمرَق
وغَيمِة المَرفأ غَير غَيم الصيف
لْ مارِق مْروق الضَيف…
غَيمِة المَرفأ دَمّ عَم تعرَق
قوم نْحَتا بالجَوّ يا أزرَق
تَـ يْصير شَكلا سَيف
وأهل الطقومه كَوكَبُن القْصور
والمال والمَوكَب…
والدمع مِن عكّار طُولو… لْ صُور
ولبنان متل لْ غَيَّر الكَوكَب
مشيو عا دمعة أهلنا وضِحكو
يا عَدل غَيِّرلُن شي مَرَّه اللِبس
بْـ زات الطقومِه بَعدُن بْيِحكو
يا عَدل خَيّطلُن تياب الحَبس
ويا صواتنا لْ كنتي جمر لهّاب
وبالآخِر سْكَتِّي
قومي رعِدِي ما زال صرنا بْـ آب
غَيمِة المرفأ لازم تشَتّي
