صدر عن المحامي بول مرعب حرب منسق القوات اللبنانية في منطقة البترون النداء التالي:
"الله معكن،
بكرا يوم وداع رفيقنا اللي استشهد عن كل واحد منا...
بكرا موعدنا مع البطل اللي افتدانا وافتدى قضيتنا،
بكرا يوم الصلاة لروح الخي اللي سكب دمو عمذبح لبنان وحرية لبنان،
بكرا يوم الوفا لشهيد القوات اللبنانية وشهيد وجودنا الحر،
بكرا يوم وقفة البطولة، يوم كسر المخرز اللي مقاومينو بعيوننا من سنين،
بكرا انتو أبطال الساحة، ساحة الحرية وساحة الدفاع عن كل واحد فينا، عن أهلنا وولادنا واخواتنا يلي كان ممكن يصيبن ويصيب كل واحد فينا مصير شهيدنا باسكال سليمان.
بكرا رح نرفع باسكال ع كتافنا، ونرافقو بصلواتنا لفوق تيوصل لحضن العدرا اللي ناطرتو بالسما.
بكرا يوم صرخة الحق بوج الباطل، يوم العدل بوج الظلم، يوم ايماننا بالقيامة بوج الموت وأهلو...
بكرا يوم القوات اللبنانية اللي مسطرة بدم شهدائها خط الأرزة الأحمر،
بكرا يوم جراسنا البدا تضلها ترن.
بكرا يومنا...".
