"ما في أهضم" هو عنوان الأغنية الجديدة للفنان زياد برجي، والتي أطلقها خلال عطلة نهاية الأسبوع. الأغنية كما معظم اعمال برجي من كلماته وألحانه. أما التوزيع الموسيقي فتولّاه طارق توكّل.
كلمات الأغنية:
"مش عم وقّف فكر فيها ولا عم بشبع من عينيها
ما بعرف ليش مقضّيها عم لفّ ودور حواليها
ما في بعدا وما في قبلا ما في أهضم ما في أحلى
أنا لمّا بشوفا بتحوّل بصغر برجع متل الأوّل
إتأمل فيها وإتغزّل نام وإغفى على إيديها
كرمالا سكّرت بوابي عالدنيي وعاديت صحابي
شو بدي أكتر أعملّا؟ رح بتطلّعني من تيابي
ما في بعدا وما في قبلا ما في أهضم ما في أحلى
أنا لمّا بشوفا بتحوّل بصغر برجع متل الأوّل
إتأمّل فيها وإتغزّل نام وإغفى على إيديها"
