يوقّع المؤلّف والملحّن غدي الرحباني، ديوانه الشعري الجديد "قصايد الجزر الملوَّنة"، الصادر عن "النخبة للتأليف والترجمة والنشر" وتوزّعه "دار سائر المشرق"، بين الساعة 7:00 و 9:00 مساء الأحد 9 آذار 2025 في إطار فعاليّات "المهرجان اللبناني للكتاب" في "دير مار الياس - أنطلياس"، جناح "دار سائر المشرق".
الديوان يضمّ قصائد كتبها الرحباني باللّهجة اللبنانية في حقبات مختلفة، منه نختار مقتطفات من قصيدة "كلّ اللي بيموت... بقلبي بيموت":
شو في ناس بتموت بِساحات الحرب
وشو في ناس بتموت عَ كترة الضّرب
شي بالمُعْتَقلات بسجن مفقود
منهن بالطّرحات وأعلامن السّود
جنود وشُعَرا أُدَبا وفُقَرا
ناس بغرف سود يسكرو ع الغاز
عَ طَعم البارود بِمنجم ألماظ
شُهَدا الأدغال ميليشيا ورجال
كْرامة الأفكار ومرتزقة المال
شو في ناس بتموت، ببيوتا بتموت
من الفقع بتموت،
من القَهر، من الفقر، من الجُوع،
وبتموت لو حتّى بالصّين أو شُهَدا بيروت
يمكن جرّافة عَ بيتك تفوت
تقتلك غافي تحملك حافي
بْلَحظة ع التّابوت
بِصَمْت وبْسكوت بِحزنك بتموت
وكلّ اللي بيموت بالشَّرق وبالغرب
يوميّة بيموت بِقلبي أنا.
