تفاعل جمهور مواقع التواصل في الساعات الماضية مع الشريط المصوّر الذي نشرته الممثلة كارمن لبّس عبر حساباتها الرقميّة وتضمّن رسالة - تحيّة إلى شريكها السابق الفنان الراحل زياد الرحباني الذي غيّبه الموت قبل شهرين، في 26 تموز الماضي.
الفيديو القصير الذي ظهرت فيه لبّس تقلّب صورًا جمعتها وزياد، ورسائل مكتوبة بخط الخيط ما زالت محتفظة بها من زمن العلاقة العاطفية التي جمعتهما قبل سنوات، وتسير في شوارع بيروتيّة مرتبطة بأماكن الرحباني، تلت خلاله الممثلة القديرة نصًّا (كتبه سليم ديك) من حنين، عبّرت فيه عن شوقٍ للحبيب الراحل وكشفت فيه عن مشاعر لم تنته برغم الانفصال قبل فترة طويلة، كما عن حبّ لم تنجح سنوات البعد وعدم اللقاء في محوه من القلب والذاكرة.
الشريط المصوّر "كلّ الجمل عم تنتهي فيك" الذي أخرجه عبادة شعراني، قالت فيه كارمن لبّس:
"بتعرف بس تعيش وهم إنك طويت صفحة حبَّك الأول، وفجأة تكتشف إنو الصفحة بعدا مفتوحة مع جروحاتا؟
صَرلي سنين عم قول تخطّيت، بس بنفس الوقت عم بسأل ليه؟
آخر ليه كانت ليه ما بدَّك تشوفني؟عرفت بعدين وبعد فوات الأوان، إنو ما بدَّك شوفك هيك... يمكن ما كان بدَّك تشوفني وأنا عم شوفك هيك!اشتقتلك... وعرفت إنك اشتقتلّي بس ما قلتلّي.
قالولي بقِيت تسأل عني... بس يا ريت سمعتا منك.
قلتلَّك: بغيابك فضي البلد... بس شي إنت رحت حسَّيت أنا فضيت. حسَّيت كل شي بقي معلَّق.
أسئلة ما حدا جاوب عليها وذكريات ما حدا قادر يمسحا.
كنت إهرب من سيرتك مش لأن ما بدّي ياها... بس لأني بخاف حس إنها بعدا أحلى سيرة.
كلّ شارع كلّ زاوية كلّ مطرح بِذكّرني فيك.
حبّيتك وبعدني... وبعدا كلّ الجمل عم تنتهي فيك".
