كتابات تستحق النشر

بْكِركي .. أرز بيرِنّ

عْصايِة بْكِركي .. صوت شِلْشا وْقوف ..

شارِب مْعارِك أرض ما هَمّّا التَّعَب

مَجْدا عَطا بْيِنْحَت عا وَجْعو كْفوف

مْرَبا الأرِض تِنْبُت عُصي .. وبِتْشوف

لـَ كل بَطرَك في إلو بْـ دَمَّا عَصَب

عروقا أرز مِخْضَرّْ بيـ قَلْب الخَشَب

منَّا خَشَب .. حَفْرِت بـِ صَوتا أْلوف :

.. أرزات .. صارو رْجال بيرَبُّو الغَضَب

قَدَّس فِيُن دَمّ الصَّليب الِّلي انْشَرَب

خِبْزو لـْ غَضَب بالدَّم كَسرو سْيوف

صارو الصَّلا لـْ عمـ تِنْعَجَن تا تِنْكَتَب

رايِة وَطَن .. تـَ الشَّرق من قَلْبا نَشَب

لـْ عَجْنِه الِّلي منَّا بـْيِنعَطا البَركِه

لبنان عَركِه .. !! لـْ مِتِلْنا كَبّْ لـْ هَرَب

عَوَّد أرِز ما يُترك العَركِه

أهل لـْ عِدا بـْ كَفِّة وَطَن عِندا عَتَب

-حُبُّو لـْ عَدوَّك -.. هيك إنجيل الحَكي

رْبينا معو .. تـَ الـْ غَير يِضْحَك بالبِكي

بَسّْ العَتَب ..قَدّْ لـْ مَحَبِّه بْيِنْصَلَب

-يا هالمَحَبِّه لـْ كلّْ إنْجيلو لِكي-

عِنَّا الوقِت مَحْزون .. في عِندو عَتَب :

بْكِركي الِّلي هامِه هَيكَلا .. بْتِحْكي :

لـْ أدَّب صَلِب .. بَرَّات دَيرا بْيِنْقَلَب

والِّلي جَرَسْلا الحَقّْ .. ما عُمرو انْغَلَب

هيده العَصا لـْ بِتْرِنّْ بـِ بْكِركي .

• بكركي