ودّع اللبنانيون جميلتهم ميشيل حجل في مأتم مهيب أشبه بعرس بزينته وموكبه وصلواته.
وقد صلّى محبّو ميشيل الى جانب العائلة لراحة نفسها وأقيمت مراسم الوداع في كنيسة سيدة البشارة للروم الأرثوذكس في جلّ الديب.
وجال الموكب في شوارع المنطقة التي كانت قد استعدّت للعرس الكبير ولتزف عروستها برش الورود وإطلاق الزغاريد والألعاب النارية.
وعلّق أبناء المنطقة صورها في المنطقة وعلى السيارات كتب عليها "هلمّي يا جميلتي".
وقد نشر ادمون الحجل مقطع فيديو على حسابه عبر "فيسبوك" يوثّق تلك اللحظات الحزينة، وساعات الصمت الذي عمّت به المنطقة، وعلّق عليه قائلاً: "باركو ل الله، باركو ل إم النور، لقلب يسوع، ملاك من ارز لبنان، عروسة السما".
وكانت شقيقة ميشيل، بولا الحجل قد توجّهت إليها بالقول: "بكرا عرسك انكتبلك عمر جديد عمر طاهر متلك. بكرا وبعدو رح افقدلك وقت روح عند ماما مش رح لاقيكي ناطرتيني. مهما كبرتي رح تضلي بعيوني طفلة اللي بتركض لعندي بس تحس بالوحدة، وقت تفرح ووقت تزعل.
ومين غيري رح يحمل همك بهالعمر، ما انا سندك وانت قلبي وروحي انت عيني اللي بقشع فيا. عهد علي ابقى سندك وسند اختك وامك وبيك يا كل حياتي.
اختي حبيبتي، ضحكنا كتير وبكينا كتير وتعذبنا اكتر من كتير. ياما حكينا اسرار لبعض يا ما سهرنا وتحكيلي احلامك الزغيري.
كبرتي يا زغيري صرتي عروس والأبيض شو لابقلك وعريسك فوق ناطرك تيكمل فرحتك.
يسوع، انتبه عليا لأنها الروح.. اااااه يا قلبي".
وفي تعليق آخر، دعت بولا محبّي ميشيل الى ارتداء الابيض يوم دفنها وقالت:"اللي بيحب ميشيل يلبس ابيض يوم عرسا مش اسود، هيدي كانت امنيتها، الابطال بيروحو بكير".
