نشرت الفنانة هيفا وهبي صورة على "إنستغرام" ظهرت فيها بفستان أبيض قبالة مرفأ بيروت، وتوجهت الى العاصمة اللبنانية برسالة مؤثرة جداً في الذكرى الأولى لانفجار 4 آب. وكتبت: "اليوم الذكرى الأولى لعيد موتك يا لبنان. تغير المنظر اللي كنت شوفه من شرفة بيتي المطلة عليك يا مرفأ! كنت أوقف عالشرفة وشوف بيروت الحلوة، شوف الأضوية والناس عمتتمشى مبسوطة! هلأ صار المنظر جرح. صرت شم ريحة وجع وصرخة كل شخص فقد غالي عقلبه بالانفجار".
وتابعت: "لكل طفل ولكل شاب ولكل صبية ولإلك يا سَحَر.. لكم يا ملائكة بالسما بهدي وردة بيضا متل روحكم البريئة!! المنظر تغيّر يا بيروت... بترجاكي ارجعيلنا يا حلوة اشتقنالك... ببوس إيدَك يا لبنان قاوم جبروتهم وقسوتهم ما تروح مطرح ما بدن ياخدوك... دخيلك يا وطنّا ما إلنا غيرك. يا سندنا ويا ضهرنا المكسور نحنا حدّك ما رح نتركك لترجع توقف عإجريك، وقلّها لبيروت اللي راقدة بالعناية الفائقة نحنا واقفين برّا بس عمبيقولولنا الزيارة ممنوعة ما عمبيخلونا نفوت نطمن عليها!". وختمت وهبي متوجّهة الى بيروت بالقول: "اليوم لابستلِك أنا ابيض يا حلوة... لونك، لون الأمل اللي ما بدي أفقده. قومي اوقفي مشّي معنا نرجع لهونيك".
