نعمان الترس

كتابات تستحق النشر

إسمُن وطن

28 آب 2021

02 : 00

إسمُن وطن

إسمُن وطن البيوت… مدري كيف!

البيوت ما بتنشاف مِن بَرّا…

واحد لِبِس للجوع نصّ رغيف

واحد ما عندو تياب بالمَرَّه

ضَيَّع قماش الخبز… وتعَرّا…

إسمُن وطن إيّامنا… انلَمّو

مْن الجرح يَوم ومِن جهنم يَوم…

إسمُن وطن أحلامنا لْ زَمّو

وصارو يساعو بْـ ربع ساعة نَوم


يلفت موقع نداء الوطن الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.