نعمان الترس

كتابات تستحق النشر

غْياب للشِفِّه

9 تشرين الأول 2021

02 : 00

شو عَرَّفو البيت لْ ما عندو صحاب

يِسكُب مِن بريق الزَعَل شَفِّه

ويِشرَب تفل غِيَّاب؟!…

شو عَرَّفو البيت لْ ما عندو حباب؟!

دمعه ما بيقَفّي

بيِبكي عتم مِن ربع شَقِّة باب

بيِبكي بِـ دمعة حبّة العنّاب

اللّي مْنقّطه حَفِّه وَرا حَفِّه…

شو عَرَّفو البيت بْـ وَجَع الغْياب

تا شَفتَر خْيالو متل شِفِّه؟!


يلفت موقع نداء الوطن الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.