حكاية عامر ابن الـ ٢٣ ربيع… حكايتنا كلّنا… نحنا اللّي مَيّتين وماشيين…
هُوِّي وعَم يجَرِّب يلاقي الحَلّ
ما مات هلَّق… مات يَوميِّه
بالفرن… بـِ قَرصِة الشتويِّه…
بِـ خَدّ بَيُّو لْ كان عَم ينبَلّ…
بِـ حكايِة الشَعب اللّي داق الزلّ…
بِـ لَيل عتمِة كلّ خبريّه…
كان عَم بيموت كلّ مْحَلّ
كلّ مَطرَح مَيِّت شْوَيِّه…
هُوّي وعَم يشوف الحراميِّه
مش قاتلو مِنُّن حَدا عالحِلّ
ما مات وَحدو… قاتلينو الكلّ
كلّ واحد قاتلو شْوَيِّه…
