علّقت الممثلة نادين نسيب نجيم على فيديو انتشر لوالدة الشاب المنتحر داني أبو حيدر وغرّدت قائلة: «ما في كلام يخفّف عن القلب، ما في كلام يداوي ويصبّر الروح، ولا حتى في كلام بحجم الغضب والحزن اللي جواتك. الله يكون معك، الله وحده قادر يبرّد قلبك ويخفف وجعك لأنه هو أرحم بعباده من الجميع. يا رب رحمتك بلبنان وأهله... عندك وحدك الحق ما بيضيع».
أعرب الممثل جيري غزال عن غضبه لمشهد الطّرقات العائمة بمياه الأمطار وغرّد قائلاً: «كان بعد ناقصنا يطوفو الطرقات ويعومو المَجاري اليوم لحتى نتذكر القرف العايشين فيه من وراكن يا حكام مزبلة التاريخ. قرّفتونا حياتنا، عم نتبهدل، عم ننذل، في ناس عم تفقد الأمل، وإنتو عالأرجح أعمق همومكن هلّق أيّا طابة تعلقو ع أيّا غصن من شجرة الكفر الحاطّينا بقصوركن».
علّقت الممثلة باتريسيا قسيس شماس على خبر انتحار داني أبو حيدر عبر «تويتر» بالقول: «قديش قاسي هالمشهد!!! #قديش صعبة تشوف إمّ عم تغسل وجّها بدم ابنها ودموعها عم يحفروا بقلوبنا وجع وقهر». وأضافت: «كرمال كل نقطة دم مش رح نستسلم كرمال كل دمعة عين وكل حرقة قلب رح نثور ونقوم من تحت الذل ننفض غبرة التعب وناخد كل حقوقنا».
علّق الممثل والمخرج لوسيان بو رجيلي على مشهد قطع الطرقات بسبب تراكم مياه الأمطار بالقول: «شلالات جديدة بلبنان... شلالات الفساد والنهب وذل المواطنين... وبعد في ناس بتسأل: ليش الشعب عم يتظاهر؟ ليش #كلن_يعني_كلن ؟؟ ليش؟؟». وأطلق سلسلة من الـ»هاشتاغ»: «#تسقط_سلطة_القمع والنهب #لبنان_يثور #لبنان_ينتفض و#أحد_الغضب».
أطلق الممثل وسام حنا سلسلة تغريدات بسبب حالات الانتحار أخيراً في لبنان، وقال: «حالات الانتحار عم تكتر... شو عم بيصير؟؟؟ الحالة الاقتصادية عم تخنق العالم وهني مربطين بعدن على كراسين ورافضين يتنازلوا وعم يلعبوا بمصير وطن. في الله في الله يا زعران. عم يوجعني قلبي».
توجّهت الممثلة عايدة صبرا الى العاطلين عن العمل كل حدا متخرّج من جامعة وعاطل عن العمل. ينزّل شهادته post لحتى نوصّل حجم المأساة. وحطوا هيدا الهاشتاغ #متخرج_عاطل_عن_العمل». وأضافت «#لبنان_ينتفض #لبنان_يثور #كلنا_قصة_وطن #كلن_يعني_كلن #مستمرون».
رأت الإعلامية ريما نجيم عبر «تويتر» أنّ «الثورة بخمسين يوم، جمعت الناس مع بعضها وصنعت لأول مرّة بالتاريخ «وحدة وطنية حقيقية»، الثورة بخمسين يوم فرجتنا وفرجت العالم ثقافة شعب وحضارة وطن، الثورة بخمسين يوم ردّت مغتربين لأول مرّة يرجعوا ليعيدوا عيد الاستقلال، الثورة بخمسين يوم، طلاب لبنان اثبتوا انّن جيل عبقري ووطني وواعي».
