أعربت الفنانة سيرين عبد النور عن غضبها إزاء الأحداث الأخيرة، وغرّدت قائلة: «أنا ما عم بقدر افهم بس الشباب والصبايا بيتوقفو لان سكّرو طريق، بس يللي بيتهجم وبيضرب المتظاهرين ما بيتوقف ؟». وأضافت: «المسؤول عن خراب البلد وتدميرو من كل النواحي ما بيتوقف؟ لبنان احترق وغرق!!! الشعب اللبناني تعبان وعلى آخر نفس مين المسؤول؟ ليش مش عم يتحاسبو؟ #لبنان_يثور».
أعرب مدير مجموعة قنوات MBC علي جابر عن بعض الملاحظات للفنانين المناهضين للثورة مغرّداً: «لاحظوا أن معظم الفنانين (باستثناء الفنانين الثوار) وخاصة المغنين يتجنبون الخوض بالنقاش حول الثورة، ويتعاملون معها مثل تعامل السلطة، كأنها شيء لم يحصل. اعتقد ان هذا تخلّ كبير عن مسؤولياتهم حيال جمهورهم ومحبيهم. صمتهم كشف نفاقاً ومادية مقززة. #لبنان_ينتفض».
شدّد المخرج ناصر فقيه على استغرابه لعدم مشاركة شريحة كبيرة من اللبنانيين بالثورة بعد، وغرّد قائلاً: « بدون أي نوع من الخبث او أي خلفية سياسية، أنا مستغرب. أنا مستغرب كيف في ناس بعدها قاعدة ببيوتها وعم بتحلِّل والسكين وصل عَ رقبة كل لبناني. والله العظيم عم قول هالحكي من قلبي وبكل نيِّة صافية. شو ناطرين يا اخواتي بالوطن؟ اذا ناطرين الفرج من الطبقة السياسية، العوض بسلامتكن!».
اقتبست الفنانة نجوى كرم قولاً للقديس يوحنا الذهبي الفم، لتشدّد على ضرورة التسلّح بالإيمان لمحاربة الخطر المحيط بلبنان. وجاء في المقولة: «قال الشيطان للرب، أترك الأقوياء لي فأنا كفيل بهم. أمّا الضعفاء فلا أقوى عليهم لأنّهم يشعرون بضعفهم فيحاربونني بقوّتك»، لتغرّد كرم قائلة: «ما فينا إلّا نتسلّح بقوّة الله لحتى نخلص من هالمعمعة اللي عم يشتغلوا فينا فيها».
تحدّثت الممثلة باتريسيا قسيس شماس عن أهداف الثورة عبر «تويتر» وقالت: «جدودنا دفعوا حياتن حق وطنيتن...أهالينا كرّسو عمرن ليدافعوا عن هالوطن...ضحّوا بكل شي و قاوموا من دون تعب وورّتونا القضية»، لافتةً الى «قضية عيش كريم ...قضية إنتماء...قضية حريّة... و بعد في حدا إلو عين يسأل ليش عم نثور؟؟ لأنو ولا يوم وقفت أرضي تندهلي #ثورة».
أعربت الإعلامية كارين سلامة عن غضبها، وغرّدت قائلة: « بشرفكم لا بقى حدا يخبرني عن دستور، وقانون، وقضاء، ومؤسسات، الخ.... عن شو عم تحكوا انتوا؟ انكشفنا وانكشفت فضايحنا وفسادنا يللي ما بعدو فساد، 4 ملايين شخص قد حي بمصر مش عارفين نعمل دولة، يا ضيعان يللي راحوا كرمال حلم لن يتحقق، تعتير تعتير تعتير ،شو بدنا نعمل باولادنا».
رأى الإعلامي بسام أبو زيد أنّ القوى السياسية في لبنان «لن تستجيب لما سيطلبه مؤتمر باريس لجهة تشكيل حكومة قادرة وقوية و يثق بها اللبنانيون والعالم».
غرّدت الفنانة إليسا معربةً عن غضبها تجاه بعض المواقف السياسية الأخيرة، وقالت: « مش كل واحد عا بالو يحارب يقرر يحارب من لبنان. كلنا عدوّنا اسرائيل بس دخيل الله ما بقا حدا يعمل لبنان ملعب تا هوي ما يتضرر ويصير بدو يحارب عا حساب لبنان وشعبو. خلي إيران تحارب من إيران ولبنان بس بدو يحارب بيحارب من لبنان».
