في ناس قالو وقت شافوني:
في حزن بِ عْيوني…
قصدُن حزن من بين هالأحزان
شي حزن… من درب الفرح هربان
وْيمكن يكون الصبح بِ عْيوني
وْبعد الضهر بِ عْيون مين ما كان…
يا حزن… مش فهمان
مش إنتْ قايل… أو أنا غلطان
إنّك مَ فيك تْعيش من دُوني…
وْلَو صرت مرّہ طَيْر بالبستان
وْعا ألف شجره يعزمَك نيسان
لازم تعمّر بيت… عَ غْصوني…
يا حزن لو فلّيْت… مش زعلان
إسمك "الْحزن"… وْفي إلَك عنوان
عنوانَك: عْيوني…
وْلمّا رحت تَ تْصير "حزن" فْلان
نْسِيــــتِ الْ "ألِــف والــــلام"… بِ عْيوني…
