ما زال خبر مرض الممثل طارق سويد يتفاعل على مواقع التواصل الاجتماعي، حيث كان قد كشف قبل أيام عن تفاصيل وضعه الصحي، ومعاناته من مرض خطير، كاتباً عبر «فيسبوك»: «فجأة وبدون سابق انذار، بلاقي حالي عم بوقع وصحّتي عم بتخوني، جسدياً ونفسياً صرت بالأرض وقرّرت حارب، بس وصلت لمطرح خلص ما عدت قادر، أمراض المناعة الذاتية عم تنهشني وصحتي النفسية بالأرض، ما عاد ولا علاج او دواء يمشي عليي»، مضيفاً: «كل اللي عم بحلم فيه ما عاد الو معنى وقيمة، صار حلمي ارجع اوقف ع إجريي... الناس تسألني وينك وليش غايب عنا، وأنا اتوجّع أكتر لأن مهنتي اللي هي كل شغفي بالحياة مش قادر ارجعلها... رح ارجع أوقف ع إجريي وأقوى من قبل... الاستسلام منو خيار، منو إلي... راجع وأقوى من قبل».
على الاثر، تلقى سويد الكثير من رسائل الدعم من محبيه فشكرهم على طريقته قائلاً: «محبتكن والطاقة الحلوة والايجابية اللي عم تبعتولي ياها عم توصل للقلب. ايام بتكون عوارض بشعة ووجع كتير، وايام بكون كتير منيح... حبيت شارككن وخبركن ليش الي فترة بعيد عن الشاشة والكتابة، بحبكن ومش مطول لإرجعلكن بأعمال جديدة بإذن الله».
