إبراهيم شحرور

كتابات تستحق النشر لابراهيم شحرور

تياب جداد

3 نيسان 2023

02 : 00

بْعيد الفطر

بالبيت كانو يلتقو

ويفطر حزن جدّي

عَ ضحكات الولاد

وْنلبس تياب جْداد

أحلى مْن العِياد...

وْلمّا يِجي الأضحى

تيابي يعتقو

إلبُس العيد...

وْيرجعو تْيابي جداد…

وْجيراننا بْعيد الفطر

ما يفطرو

وْيزيّحو جْبينُن

بِصلبان الرماد…

وْإمّي تْقلّي:

الفصح لازم ينطرو

وإسأل أنا

كلْما عَ بالي يخطرو:

من وين جايي الفصح

من أيّا بلاد...

وْهالطفل يوم اللي عْرِفِت

خلقان وَيْن

وْكيف الدني

لِبْسِت على صَلبو حداد

تْيابي الجداد

اللي لبسْتُن مرّتيْن

عَ الفصح

صارو يرجعو تيابي... جداد