"عالمرّة قبل الحلوة"، بهذه العبارة المُؤثّرة تحتفلُ ماريا فارس، شقيقة ضحيّة انفجار مرفأ بيروت سحر فارس، بزواجها من وليام نون، شقيق الضّحيّة جو نون.
وتكلّلت قصّة حبّ ماريا ووليام المُؤثّرة بالزّفاف، اليوم الأحد، وذلك في حفلٍ جمعَ عائلتَيْهما وأصدقاءهما.
ويتصدّر خبر زفاف ماريا ووليام صفحات مواقع التواصل الاجتماعيّ منذ ساعات، حيثُ تداول النّاشطون مقاطعَ فيديو وصوراً للعروسَيْن، مُتمنّين لهما الحبّ والسعادة.
وقبل ساعات من دخولها القفص الذهبي، وجّهت ماريا فارس عبر "انستغرام"، رسالةً لشقيقتها سحر قالت فيها: "من حوالي 3 سنين و3 شهور، وعيتي وركضتي وفرحتي ونعجقتي بعرس اختنا. اليوم قلبي عم يوجعني أكتر من كلّ الإيام ع غيابك.. أنا بعرف إنّك شايفة، حاسّة ومبسوطة لفرحنا، لو هوّي ناقص، إنتي وجو!".
أضافت: "يا أحلا اشبينيْن سماوييْن، يا أحلا ملايكة. قدام الله اليوم رح نوعدكن نكفي كل المشوار، عالمرة قبل الحلوة. منحبكن كتيييررر".
بدوره، إستذكر وليام شقيقه جو نون، في رسالةٍ نشرها عبر إنستغرام كتب فيها: "27 سنة عشناهن سوا أنا ويّاك عالأرض قبل ما يجي مجرمين يقرّروا ياخدوك مني، شو كانت أحلامنا بسيطة وهنية ما كان بدنا شي إلا نضل سوا كتف عكتف".
وأكمل: "صحّ اليوم أنا عم حقّق حلم من أحلامي ومبسوط رغم كلّ الشوق وغيابك، بس بيبقى الهدف الأكبر عليي وعكل انسان بحب لبنان عدالة وحقيقة ومحاسبة لكلّ حدا ساهم بقتلكن. كتار بيقروا هالكلمات وبيتضحكوا علينا وإنّو لوين مفكرين نوصل، بس نحنا أخدنا قرار وبدنا نكفي لو شو ما كانت النتبجة. جو اليوم وكل يوم وصل صوتنا وآلام وطنا لرب السموات".
وختم قائلاً: "بحبك يا كبير البيت".
