« كانون شهر عْيادْ
وْفِ بْلاد قالولي الفرح منها هرَب
دير البلَح فوقو صليب رْماد
وزيتونها وتفّاحها صارو حطَب…
لَ وْلادها جايب تياب جْداد:
أكفان بيْضا مْطرّزِه بخيط الدهَب
جايب إيديْن جداد
وجايب معي إجريْن بعدُن بالعِلَب
عندي لِعب… عندي هدايا جْداد
اصْفرّو اللِعَب بالكيس من كتر التعَب
وْمَ لقيت شجرَه تحتها حطّ اللِعَب…
فِ بْلاد ما فيها شجَر ميلاد
فِ بْلاد فيها زهْر أحلى من العياد:
الزهر اللي عم يطلع مِنِ قْبور الولاد…
