نهى بنت سورية كل يوم بتقطف ورد ونرجس تا تبيعن إمّها وتشتري ربطة خبز. نهى بتحلم تروح عالمدرسة لمّا يخلص موسم الورد...
كلْ يوم بطلع عَ الجرِد
بقطّف ورد مع نرجس بْ عزّ البرِد
وإمّي بتعرف كيف
تبدل النرجس والورد برغيف
برغيف… قبعَه نرجس وقبعَه ورِد…
وبحكي أنا وإمّي:
-ضاع العمر ما بين وردِه ونرجسِه
طالع عَ بالي كون يا إمّي
البنت الزغيرِه الرايحه عَ المدرسِه
بكّير يا روحي لمّا يروح الورد… بتروحي
- شكلي أنا رح مُوت
يمّي قبل عَ المدرسه ما فُوت
وْباقي شويّةْ ورد… بيعيهُن
يَ بْتشتري ربطةْ خبز فيهُن
يَ بْتشتري… تابوت…
