يلّي بيِحْكُو كْتير عن ألله
وْوقت الصّلا بْيتذكّرو ألله :
هيدا اللي عَ جْبينو القرص محفور
وْراكع لَ ربّو من صباح النور
مين اللي قلّو اللي ركَع … صلّى …
وْهيدا اللي حامل مسبحةْ لُولو
وْتا يطلع التسبيح عَ أْصُولو
بْيذكُر إسِم ألله … تَ يتسلّى …
يا ريت يحْكو شْوَيّ عن ألله
وْوِجّو يشوفو بالدني كلّا :
نور الشمس ترم الضهر قَلّي :
هَ الشمس كلّ الْوقت بتْصلّي
مش بسّ عَ السّاعه تْنَعِش إلّا …
الشجره لْ إجِت عا مسجد الوادي
تْصلّي خمس ركعات … وزْيادِه
عم تفرش مْنِ الْفَيّ سجّادِه
والنهر عَ الْقِبلِه عمِ يْدِلّا …
عم شوف ألله بالدني كلّا
ألله بْ قلِب كلّ الْبشر … إلّا
يلّي بيحكو كتير عن ألله …
.
