شفتِك بِالِحكايه ما بعرفك والله شفتِك مَرَا... شفت المرَا كلّا وحَدِّك بالِحكايِه فِي سَيف عم بِيكَحّل الأرزِه وفِي مسبحَه أْسامي معِبّايِه بتِفتَح سما بْغَمزِه وفِي صخر صوب جبالنا تعَلاّ بخّور يِعرَق قدّ ما صَلاّ وعم يِلمَع بإيد السما مرايِه وحَدِّك بالِحكايِه فِي جرْح... بدّو الجرح يِتسلاّ بِيعَلِّم الدّمعات الِقرايِه فِي جرح... هَوني ما إلو نهايِه تا يطِيب... تا تِتطَمّني كفايِه مبارِح بإيدو قَطَّبو ألله |