آخر عزيمِه

ما في معو ليرات ...

بْياخد معو الصندوق والقصبات

والبحر متل المملكِه

وْهوّي ... الملَك

مرّات يتْوفّق علي وْمرّات

فرخ السمَك يزمط

منِ خْروم الشبَك ...

مْبارح عَ بيتو فات

بْصندوق أوسَع من زواريب الكرَك

وْسنّارةِ الأحلام عَ المينا ترَك ...

جايب معو أربع خمس سمكات

بدّو بعد ما مات

يعزم ملاك الموت

عا أكلة سمَك ...

علي صوّان ، إبن بلدة الكرَك ، كان فقير كتير وكريم كتير. يفرح إذا توفّق بالصيد ويعزم صحابو عا أكلة سمك ...