تصِيَّدت حالَك بِالشَّبَك
واعِي السَّمَك...
وِعيونَك شطوط الغَفَا
والمَيّ سَودا ما فِيا سمكِه إلَك
يُوقَف عا رُوس اجرَيه
جُوعَك يُقطُفا
تصِيَّدت حالَك بِالشَّبَك
يا ما السَّمَك لَحمو لْ عُرِي كِتفَك تَرَك
من ألف سمكِه بتَعرِفا... وما بْتَعرِفا
ردّيت جسمَك لِلسَّمـــــك... هَيك الوَفا
ونادَيت: لَحمي اليَوم طـــازَه... يا سمَك
علي صوّان، الصيّاد اللي بقي تسِع تيّام تحت المَيّ. طِلِع هُوِّه والسّمَك صُلح
