كتب النائب ابراهيم كنعان على حسابه عبر "اكس": "لكل لي عم يحكي عن كسروان أو المتن بمعادلة "إما مطامر الموت" و إما النفايات في الشوارع بقلو هيدا المنطق مرفوض وهوي يلي وصلنا لهون. القصة مش بين كسروان والمتن ولا اي منطقة اخرى، انما قصة جريمة بيئية صحية إنسانية مستمرة من اكتر من عشر سنين مع وعود من الحكومات المتعاقبة بالهوا".
وأضاف، "أما قانون تمكين البلديات من استرداد كلفة الجمع و/او والمعالجة فقد اقر في لجنة المال والموازنة بجلسة ماراتونية وكان على جدول اعمال الجلسة يلي فُقِد نصابها ولكن وحدو مش حل لاستحالة المعالجة من دون خطة شاملة وامكانيات بتوفرها السلطة المركزية".
وتابع، "ابتزازنا بمنطقتنا بالجديدة البوشرية السد من اكثر من 10 سنوات لتحمّل تبعات هيدا المطمر على حياة وصحة ولادنا ومن دون اي حل جدي او مسؤول من قبل الجميع ما بيقطع. بكفي خبث و ابتزاز واجهوا المشكلة من دون تمييز او تسويف".
