طالع عَ بالو يروح عا ...حالو
وْيمشي على خْيالو ...
فاق الصبح بكّير
نادى عَ موجه
تْحطّ موسيقى
ندْهت لَ لِعْصافير
تَ تْغطّ بدْقيقه ...
نادى على بستان
بيحبّو كتير
يبعت عَ إيد النهر
ترويقه ...
آخد معو عالبحر
كرسِةْ مَيّ
لاقح عَ كتفو
منشفِه مْنِ الفَيّ
بيغطّ أصبع مَيّ بالمَيّات
خايف تكون المَيّ
سقعه شْويّ ...
عالموج صرلو
من الصبح مشلوح
يسمع غناني الريح عالسكّيْت
والموج يدهنلو عَ ضهرو زيت
والشمس عم تغرق
عَ آخر روح
عالبيت كيف البحر بدّو يروح
عمرو البحر
ما كان عندو بيت