عُرس بِنتي... وجِنّاز المَلَك

لا تِفزَعي من الجوع

بَعدو يا بِنتي بَيِّك الموجوع

بِيغَرمش بصَوتو وجُوه الظّالمِين

رح ضلّ طالع مع النّار طلوع

صَوب المَلَك... تا يصِير تاجو ركوع

ويُبزُق بِوِجّو الوقت... وِتجُرُّو السّنِين

عَ مغارة لْ مِتلو حجارا معَفّنِين

وِبْمُوت؟... راسي بْراسِك المرفوع

قُولي لْ عا عُرسِك واصلِين

ومِن دَعسِتُن صَوت الفرَح مسموع:

بَيِّي عا عُرسي ما إجا يا قرايبِين

تا ما ينقِّطني بِعُرسي دموع

وخاتم بحبّة قمح... وِاسوارة طحين