تعرّض منزل الممثل أسعد رشدان لاعتداء قيل إن مجموعة من "الحرس القديم" في التيار الوطني الحر نفذته حيث قامت بإلصاق صور لرئيس الجمهورية ميشال عون على الجدران مكتوب عليها "فخامة الرئيس ميشال عون تاج راسك". وعلّق رشدان على الحادثة، في منشور على "فيسبوك" قال فيه: "الحرس القديم: قبضايات... لا اسم، لا رسم، لا كسم... البطل اللي نطرني تا ضهرت من البيت ليوصل عا مدخل بيتي، بيعرف منيح اني لو شفتو... كنت تصرّفت معو، دفاعاً عن حرمة بيتي... وهلق بقلّو هوي واللي بيشد عا مشدّو، هيك رح يصير اذا بلمح حدا مشبوه مارق من حد بيتي... سلمولي عالحرس القديم والجديد. ولو فعلاً كنتو من الحرس القديم، كان لازم تعرفوني منيح قبل ما تلعبوا بديلكن. اذا كنتوا هالقد قبضايات واجهوني ومنشوف... شرط بلا كمامات..."
وأضاف في منشور آخر: "أنا أسعد رشدان... شرّفتولي بيتي متل ما شرّفتوا بكركي بالـ 1989وشرفتوني إلي متل ما شرفتوا غبطة البطرك صفير من 33سنة... يا ريت حدا منكن عندو الجرأة يعرّف عن نفسو متلي ومتل رئيسكن... ما خاف متلن... قال انا ميشال عون. أنا قلت انا أسعد رشدان، فَإنتو مين يا حلويييين؟".
