البيطار شبكِة عدل... وِعلِقتو
إنتو خلِقتو بْدَمّنا تجّار
والقَتل فَرعَن وَقت ما خْلِقتو
وفِيكُن تدِلّو النّار عالبيطار
وياما علَينا الموت فِرَّقتو
بسّ الحقِيقَه تدَوزَنِت عَ عيار
عالي... وحَلَا سَيفا إجا وَقتو
ومين اللي فيكُن ما مَرَق بِنْهار
عالسُّوق نَقَّا حَبل مَشنِقتو؟
ما بتِفِلتو مِنّا... وشو ما صار
ولَولا تياب العدل خِزَّقتو
البيطار قُونِه مطَعّمِه بِالغار
نِحنا مع اللي رَمَّدو بِالنّار
منِدبُك سَوَا عا صوت مَطرِقتو