توجّهت الممثلة شكران مرتجى برسالة الى جمهورها قالت فيها: "أنا ضد الجريمة أكيد، ضد التعدي عالآخرين وبتمنى السلامة للنجمة نانسي عجرم وعائلتها الكريمة وأنا بحب لبنان ورفقاتي أغلبهم لبنانيي غاليين، ودايماً فاتحين قلوبهم مو بس بيوتهم وبحبهم كلهن كلهن".
وتابعت عبر "تويتر": "مو كل شغلة بينسبوا كل السوريين متل ما كان قبلهم الفلسطينيي عزيزي وعزيزتي اللي عم تشتمي بأبشع الكلمات وخليهم ينقلعوا من عنا. والله رح ينقلعوا والله هانت. وأضافت: "إيمتى بدنا نطفي النار ما نشعلها؟ إيمتى بدنا نرحم بعض ليرحمنا الله؟ ايمتى بدنا نبطل تشفي بوجع وجثث بعض؟ أنا مع العدالة ومع الحق بس مو مع التعميم. حاج... كم سنة عم نسمع ونقرا مسبات وإهانات وتحقير ما حاج؟ والله حاج والله حاج في بسوريا فنانين ورسامين ونجوم ومصممي أزياء وكتاب وشعراء. لك نحنا بلد زنوبيا ونزار قباني وصباح فخري وميادة حناوي وأدونيس وفاتح المدرس ودريد لحام و...".
