عادت التظاهرات لتغمر الطرقات. اللّبنانيون غاضبون وهذه المرّة لن يتراجعوا عن مواصلة ثورتهم للحصول على مبتغاهم: المصارف سجنت الودائع والناس ماتوا من الجوع! صراخ وألم في كلّ مكان، وحكّامنا: مكانك راوح! ما زالوا يقسّمون الجبنة الحكوميّة على حساب شعب قسّم نفسه ومناطقه "كرمى عيونهم!".
| غرّد الفنان راغب علامة مُعرباً عن غضبه من الطبقة الحاكمة، وقال: «طبقة حاكمة أكلت الأخضر واليابس، عاشت على إشعال الفتنة الطائفية بين الناس، احتلٌت وابتزّت وسرقت ونهبت وزوٌرت وزرعت الفساد، تقاسمت دماء المواطنين، جوّعت وأذلت الناس، دمرت الإقتصاد والمالية والسياحة والصناعة والزراعة والبيئة وما زالت متمسكة بالكرسي! ماذا تريدون بعد ؟! الله لا يوفقكم». |
| اعتبر الإعلامي هشام حداد عبر «تويتر» أنّ «خطة الأحزاب الحاكمة واضحة : تركيز الهجوم على رياض سلامة وتحميله مسؤولية الانهيار وحيداً لاسقاطه في الشارع واعتبار ذلك كافيا لإنهاء الثورة وتنفيس الجماهير... بعدكن مش فاهمين شي، سنسقط رياض وسنسقطكم معه وما تظنونه مستحيلا في لبنان سيحصل قبل نهاية السنة». |
| اعتبر الفنان جيري غزال عبر تويتر أنه «للأسف حكامنا مش كائنات حية. لأنو لو شو ما كان الكائن الحي كان فهم. كان استحى. حكامنا شي مجبول من طمع وجوع وفساد وإجرام. كلّن. يا ضيعانا شقفة هالجنة، شو صيّروها بشعة». |
| رأى الممثل وسام حنا عبر «تويتر» أنه «في لبنان قاطع الطريق للمطالبة بحقوقه أزعر. بس قاطع الأرزاق والفاسد آدمي .اذا هيك بفتخر إني كون أكبر أزعر». وأضاف: « #اسبوع_الغضب #لبنان_ينتفض». ولفت في تغريدة أخرى الى أنه «ما زلنا قادرين نقطع الطريق بأجسادنا و سياراتنا منطلب من جميع الثوار عدم حرق الإطارات». |
| توجّه المخرج ناصر فقيه الى الطبقة الحاكمة بالقول: «قلنالكن انو الثورة ما رح تنطفي تمسخرتوا علينا وقلتولنا خلص انتهت. قلنالكن الشعب اللبناني تعب وحاسس حالو عايش من قلّة الموت صرتوا تنزلوا تتغدّوا وتتعشّوا بالمطاعم الفخمة. إنتو مش بشر، إنتو شياطين والنار رح تاكلكن قريباً #لبنان__ينتفض». |
| علّقت الفنانة ألين لحود على الأحداث التي يشهدها لبنان، وقالت عبر «تويتر»: «لأيمتى رح تضلوا تلقوا اللوم على بعضكن البعض و تتهربوا من المسؤولية؟ كلكن لازم تعملوا شي لهالبلد، جعنا، تعبنا، كفرنا، وعوا بقى.. الناس الها ٣ اشهر عم تصرخ. وبعدين؟ ايه انا وكتار فالين، عم تجبرونا نفل لانو الهيئة معكن ما في حل. مثل الاولاد». |
| غرّدت الممثلة باتريسيا قسيس شماس وقالت: «ألف كلمة قطاعين طرق ولا كلمة خاضعين وتابعين وأزلام وفاسدين وسارقين» وأضافت: «#اســبوع_الغضب #لبنان_ينتفض #ثورة_لبنان». |
| أشارت الفنانة إليسا عبر «تويتر» الى «أننا عملنا ثورة وسكّرنا الطرقات قلتو عم تعطلو الشغل. طلعنا من الطرقات تا نشوف شو رح تعملوا، ما عملتوا شي! صار إلنا شهر ناطرين تشكلوا حكومة والدولار دوبل ومصريات الناس مش معا! بتسمحولنا نرجع نثور أو رح نزعجكن؟». |
