وُلدت الحكومة على وقع التعديّات على الصحافيين وبدأت "بروتوكولات" التسليم والتسلّم بين الوزراء من دون أن تنال الثقة البرلمانية بعد. المجتمع الدولي اشترط لتقديم الدعم لمولود دياب الجديد إصلاحات جذرية واللبنانيون ما زالوا يتخبّطون في صراعهم ضد الظلم والفساد. المرحلة دقيقة ولا ضوء يلوح في نهاية النفق.
| توجّهت الفنانة إليسا الى السلطة الحاكمة عبر «تويتر» بالقول: «والله العظيم اللي عم نشوفو اليوم ببكي الحجر وانتوا بعدكن يا زعمائنا مش حاسين ولا بدكن تسمعوا مش سامعين صرخة المواطن الجائع والمعتر ذنبو الوحيد انو انتوا حكامو المجرمين والحرامية يللي تجردتو من كل شعور وطني وانساني! الله ما يسامحكن!».وأضافت في تغريدة أخرى: «ما فينا نعيش ببلد واحد مع زعران فلتانين وزعماؤن حاميينن بيسمحو لنفسن عالطالع والنازل يعتدو عا مين ما كان كأنو الدني سايبة. يا في دولة يا ما في وعالأرجح ما في! وطبعا ما في حدا بيتحمل مسؤولية! هيدا بلد أو غابة؟». |
| غرّد الإعلامي سلمان عنداري وقال: "ما تركت الساحات من 99 يوم. تغطيات ومقابلات ونقل مباشر وقصص خاصة، واحاديث ونقاشات، وانتصارات وخيبات واحيانا غضب او قلق او خوف. ما تركت الساحة من شمالها لجنوبها لبيروت، صرت بعرف كيف بتتنفس الشوارع وحتى الناس اللي فيها ويومياتهم. وما رح اترك الساحة وما رح تنطفي الكاميرا وما رح يسكت الصوت". |
| غرّدت الإعلامية ريما نجيم وقالت: «صباح الخير يللّا قوموا… حدا يوعّي الوزراء والوزيرات عنّا شغل بكل الوزارات ما في شي ماشي… كلّو معطّل،لا وقت للراحة… لا وقت لاستقبال التهاني والتقاط الصور، حتى قبل ما تاخذوا الثقة…قوموا خبّرونا شو مشاريعكن لوقف الانهيار… الفقر العوز البطالة الماء الكهرباء الغلا... إلخ». |
| أعربت الفنانة مايا دياب عن غضبها إزاء ما تعرّض له فريق عمل الـMTV وغرّدت قائلة: «الصحافة رسالة سامية ورح نضل الى جانب أي صحافي والحمدلله على السلامة نخلة عضيمة، وإنتوا عيننا على الأرض وأنتوا اللي بتلبسوا الخطر لنقل الصورة وواقع ما يحصل على الأرض...الله معكن ونحنا معكن...». |
| علّق المخرج ناصر فقيه على التسليم والتسلّم في الوزارات، وغرّد قائلاً: «تسلُّم وتسليم الوزارات: الوزير القديم: مبروك عليك الوزارة بس ما بعتقد تركتلّك شي تسرقه، انت وحظّك حبيبي الوزير الجديد: ...». |
| سخر الممثل الكوميدي نعيم حلاوي من الحكومة الحالية وقال عبر «تويتر»: «وزير الطاقة يللي بيّن بالمقابلة عالتلفزيون انو ضايع بالحلول وسأل شو بدو الشعب... منذكّره بـ سيمنز». |
| استغربت الإعلامية كارين سلامة شلهوب من عمليّة التسليم والتسلّم بين الوزارات من دون أن تأخذ الحكومة الجديدة الثقة من مجلس النواب بعد، وقالت عبر «تويتر»: يا خيي انا غلطانة؟ مش لازم ياخدوا ثقة مجلس النواب قبل؟» وأضافت في تغريدة أخرى: «انو بس حفاظا على ماء الوجه، انو لزوم المسرحية، ما حدا بياخد صورة للحكومة، وما بيركض يسكن رئيس الوزراء القصر الحكومي قبل اخذ الثقة من مجلس النواب». |
| رأى الإعلامي سارج زرقا عبر «تويتر» أنه «بالتسلّم والتسليم بضحّكني الوزير المشحوط يللي بيعمل محاضرة عن «انجازاته» يا حبيبي لولا الثورة كنت بعدك بوزارتك!». |
