"حوار الطّرشان" مشهدٌ يجسّد الواقع اللبنانيّ الحالي بعد مئة يوم ويوم على اندلاع ثورة 17 تشرين. الحياة في لبنان مستمرّة رغم الوضع المأسوي، وما "يزيد الطّين بلّة" تهجّم بعض المتحزّبين على المتظاهرين بالقوّة ما تسبب بسقوط عشرات الجرحى. هؤلاء المتحزّبون أنفسهم من اعتدوا منذ يومين على فريق عمل الـMTV، لكن كالعادة: لا حياة لمن تنادي في ظلّ المحسوبيّات المأجورة والزعرنات المسموحة!
| غرّدت الفنانة مايا دياب معربةً عن غضبها للتعرض للمتظاهرين من قبل حزبيين، وقالت: «الى متى رح يبقى الوزير والنائب ما بيعرف مين عمل ومين شال ومين حط وهنّي عارفين كل شي وبالأسماء..بس تطلعوا على التلفزيون وانتوا بتحبّوا لبنان عنجد بطلعوا وبتسموا الأمور بأسمائها، كلمة ما بعرف وما خصني ما بقى مقبولة.. يعني يا #لبنان_ينتفض أو مش عم ينتفض؟». |
| غرّد الإعلامي هشام حداد معلّقاً على الوضع الحالي في البلاد وقال: «ستسقط الصناديق وأرباب الصناديق»، وأضاف: «قال تفاجأوا من تغريدتي وزعلو انو الصناديق بدا تسقط... لكن إذا مش صناديق ومش فائض وظيفي شو الإصلاحات اللي بدا تعملا الحكومة؟؟ تسريحة غرة حسان دياب ؟؟». |
| غرّد الإعلامي فراس حاطوم قائلاً: «مختصر مفيد: المتظاهر السلمي بياكل قتلة وبيتمرجلو عليه اما المتظاهر المحضر لمواجهة العنف بالعنف فما حدا بيسترجي يقرب صوبو وبصيروا شبيبة السلطة بدن يحافظوا على السلم الاهلي!!». |
| أشار الممثل أسعد رشدان الى أنّ الحكومة الحالية كسابقاتها بالفساد، مبدياً غضبه على «فيسبوك» إزاء المواجهات بين المتظاهرين والقوى الأمنية بالقول: «سلطة جديدة أكذب من اللي قبلها. أول دخولو كذاب. كذاب كذاب انت واجهزتك كلها. اذا رب البيت كذاب، شو منتظرين من ولادو؟». |
| أعربت الفنانة إليسا عن غضبها الشديد من الوضع الراهن في لبنان، وغرّدت متوجّهةً الى السياسيين برسالة قاسية، وصفتهم فيها بـ «المجرمين والحراميي». ونشرت فيديو على «تويتر» يُظهر اعتداء بعض الحزبيين على المتظاهرين، لتعلّق بغضب: «هول بلا شرف و بلا كرامة، هول وحوش بهيئة بشر هني و زعماؤن!». |
| نشر الممثل وسام حنّا عبر حسابه الخاص على «تويتر»، فيديو يوثّق اعتداء ناشطين حزبيين على محتجين أمام مجلس الجنوب. وغرّد معلّقاً «يا عيب الشوم . تفه على صباحك يا بلطجي.. خليني شوف وزارة الداخلية إذا بدا توفي بوعدها». |
| عبرت الممثلة باتريسيا قسيس شماس عن غضبها من المواجهات التي حصلت في محيط مجلس النواب بين حزبيين ومتظاهريت، وغردت قائلة: "وينو #وزير_الداخلية اليوم من يلي صار؟؟؟ما في شي بيان استنكار ضد البلطجية والزعران والشبيحة يللي إعتدوا على المتظاهرين السلميين باسكاكين والعصي أو كمان رح يكذب الفيديوهات الموثقة؟؟؟ بلا هيدا تاني اختبار". |
| غردت الاعلامية كارين سلامة بالقول: "والله العظيم الغلاء بالاسعار بطّل طبيعي، مش عم نلحق، الغرض يللي كان بخمسة آلاف اليوم جبتو بـ8...، بتشتري كيسين بـ150 ألف، وما بعرف وين رايحين". #لبنان_ينتفض #بس_هيك. |
