ما عاد الوضع يُحتمل في لبنان. الجوع مهيمن في الشوارع المقفلة مداخلها. السرقات والرشاوى والفساد "عَ مد عينك والنظر". ولعلّ حماسة الفنانين والمثقّفين قد خفّت وتسلل شعورٌ محبط بألا أمر سيتغير. المشهد ما زال نفسه: مجلس نوّاب يفتح أبوابه لتمرير "الصّفقات" ويقفل طريقه أمام الجياع الحقيقيين!
| علّقت الممثلة باتريسيا قسيس شماس في تغريدة لها على إقرار الموازنة، وقالت: «أحلا شي عملو بالموازنة الجديدة انحطّ ضريبة مقطوعة عالشركات واعمالهن الحرة رح أعطيكن متل أنا الي سنتين بلا شغل صرت مجبورة ادفع للدولة 250ألف ليرة من وين بتريدو هالإنسان يدفعلكن؟؟ #سؤال_بس». |
| غرّد الإعلامي سلمان عنداري وقال: « شابة في ساحة الشهداء: «على كل شاب وشابة واب وام وطالب العودة فوراً الى ساحة الشهداء المتروكة للقمع ومحاولة عودة الامور الى ما قبل الثورة. هناك خطة لازالة الخيام بعد فتح الطريق. وهذا ضغط خطير سيكلفنا غالياً. الكل مدعو للنزول معنا الى الساحة ومنع مسلسل القمع الجديد». وتابع في تغريدة أخرى: « - ممنوع قطع الطرق.. تظاهروا بالساحات - ممنوع التظاهر امام المصارف.. تظاهروا بالساحات - ممنوع التظاهر امام بيوت السياسيين والمؤسسات.. تظاهروا بالساحات - ممنوع الشتم.. تظاهروا بالساحات. والآن.. ممنوع التظاهر في الساحات على ما يبدو». |
| أعرب الإعلامي وسام بريدي عن استيائه الشديد من منتقدي الثوار وأعمالهم في وسط بيروت، وغرّد قائلاً: «بعد يلي شفنا اليوم أرجوكم ما بقى حدا يطالب الثورة والثوار شو لازم يعملو وشو ما لازم، لأنو اكبر ازعر بالشارع كسر واجهة محل أو حطم اشارة، بينما زعران الكرافاتات باعوا مستقبل شعب ودمروا بلداً بكاملو». |
| علّقت الإعلامية جومانا بو عيد على إقرار الموازنة في تغريدة لها قالت فيها: «بغض النظر عن دستورية الجلسة، تصويت على #موازنة قد لا تتلاءم اليوم مع الوضع المستجد ! ويأتي التصويت السرّي ! ليه بعد في شي مخبّى! أو بيحمل البلد التخباية!!! لماذا السرّية !!! #بير_غميق #لبنان__ينتفض». |
| رأت الممثلة رولا حمادة عبر «تويتر» أنه «على قد ما فيه اخبار عاطلة ومصايب وضغط نفسي بهالمرحلة صار اللاوعي يعمل فرز ويترك الزعل الكبير على خبرين بالنهار وقلق واحد على المصير». وأضافت حمادة في تغريدة أخرى: «على سيرة التبرّع بالأعضاء، بصير نتبرّع بأعضاء مجلس النواب؟». |
| غرّدت الإعلامية كارين سلامة وقالت: «إذا كنتوا مفكرين انو المشكلة بالوزراء بس غلطانين كثير، عنا نواب..... نواب بس عن مين ما بعرف»، وأضافت في تغريدة أخرى: «زهقت اتعب من القلق». |
