يعاني شعب لبنان من أوجه ظلم عدّة: فقر، جوع، حرمان حقوق أساسية وبديهيّة. هذا المواطن الصامد منذ عشرات السنين لم يعد يحتمل الذلّ والمهانة، لذلك انتفض بدون خوف ولا ريبة، متحدّياً العقبات ومتحرّراً من أزقّة الطائفيّة! يُقال إنّ فاقد الشيء لا يعطيه، لكنّ اللبناني ما زال متمسّكاً بوطن مجروح وضعيف سيسلّمه لأولاده وطناً قويّاً وقادراً!
| غرّدت الممثلة باتريسيا قسيس شماس تعليقاً على موقف القمة الروحية المسيحية في بكركي التي طالبت الثوار بالإفساح في المجال للحكومة للقيام بمسؤولياتها. وقالت شماس: «يا ريت #بكركي بتناشد المدارس وبطلع بيان بتطمّن الأهل يللي مش قادرين يدفعوا أقساط ولادن بهالظروف أو للمستشفيات يللي إذا ما قدرت تجدد التأمين الصحي ممكن تموت على الباب لأنو بيرفضو يستقبلوك! شبعنا حكي! شوفو مشاكل رعيتكن وإلا ما رح يبقى ولا مسيحي بـ #لبنان». |
| غرّدت الإعلامية ريما نجيم وقالت: «الصين تبني ٤ مستشفيات في 10 أيام نحنا بعدنا مستغربين كيف قبضة #الثورة رجعت انعملت بـ 24 ساعة». وأضافت في تغريدة أخرى: «نناشد السلطات الروحية التعاطي برفق وانسانية مع طلاب المدارس الكاثوليكية واهلهم غير القادرين على دفع اقساط اولادهم منهم من فقد عمله أو طُرد منه ومنهم من أقفل شركته ومنهـم مـن يرسل أولاده بساندويش فاضي كما ونذكّرهم ان المصارف تقبض على الأموال والدنيي ليست بألف خير وشكراً». |
| علّق المخرج والناشط لوسيان بورجيلي على فتح القوى الأمنية بالقوّة للطرقات المقفلة وغرّد قائلاً:» سلطة خسيسة دنيئة... وزارة جديدة قمعية ساقطة كما السابقة. بساعات الليل المتأخرة تحضر القوى الأمنية لفتح طرقات ساحة الشهداء بالقوة وتعريض المتظاهرين والخيم لخطر اعتداءات بلطجية السلطة المتكررة. #تسقط_سلطة_القمع والنهب #كلن_يعني_كلن مورطين #لبنان_ينتفض». |
| عبّر الممثل بديع ابو شقرا عن غضبه من مواقف السلطات الروحية من الوضع الحالي في البلاد، وغرّد قائلاً: «يعني الجهات الرّوحيّة بلبنان عنجد chapeau، كتير لزيز كيف عمتوقفوا مع الناس للمطالبِة بحقوقا... عنجد تانكسسسس. #الطائفيّة_مرض #فصل_الدين_عن_الدولة #الدين_لـ لله_والوطن_للجميع #كلن_يعني_كلن #ثورة». يشار إلى أنّ أبو شقرا من الفنانين الحاملين لواء الثورة في لبنان ومن المناضلين كي تحقّق التظاهرات أهدافها. |
| رأت الإعلامية راشيل كرم عبر «تويتر» أنّ «وقت اعلان الحكومة في تحركات بالشارع وفيها شغب، هل»قادة» المجموعات بهالانتفاضة عم يعرفو يفكرو يديرو وهيدا ضمن التكتيك؟ او بالعكس ما عندهم طرح بشي وبالتالي الاعتراض للاعتراض دون تقديم بديل وهيدا يلي بفسر جزئيا عدم حماس الناس بالنزول الى الشارع مثل قبل؟». |
| علّق الإعلامي جو معلوف على المنتقدين لزيارته وزير الشؤون الإجتماعية رمزي مشرفيه، وغرّد قائلاً: «وزارة الشؤون الاجتماعية وزارة خدماتية لمجتمع عم بيعاني كل ساعة. ما فينا نترك الناس تنظلم كل يوم بلا ما نتحرك. هالوزارة ما الها علاقة بالسياسة والثورة بالبلد وفي ملفات وظلم ما بيحملوا تأجيل ساعة وحدي. الحكم على الأفعال والنتايج. بعتذر ما فيي اقعد اتفرج قدام الظلم اليومي». |
| أعرب الممثل الكوميدي نعيم حلاوي عن سخريته من إقرار الموازنة في جلسة تشريعية واحدة، وقال عبر «تويتر»: «الشباب مبارح لوما صار وقت الغدا، كانوا صدقوا موازنات 2021 و2022 وبلّشوا بالـ 2023». |
