روي أبو زيد

فنّانو لبنان ومثقّفوه: لبنان عصيّ على الصعاب!

3 شباط 2020

10 : 15

ونظر موسى الى الشمال، الى أرض لبنان والجبال! وقال: هذا الجبل لمن؟ فسمع صوت الله كزلزال يقول له: "أغمض عينيك! هذه الأرض وقف لي، لن تطأها قدماك، ولا كل ما عندك من رجال!".

(يشوع بن سياغ 1/4، حزقيال 30/3، 31/15)

سيبقى لبنان عصيّاً على الصعاب كافّة، فبلد الأرز شامخ وثابت منذ الأزل والى الأبد. والأرض المباركة والمقدّسة التي وطأتها أقدام الأنبياء والقدّيسين، ستبقى معطّرة ببخور الإيمان ومضاءة بألق شمس الحب والحرية!





غرّد الإعلامي سارج زرقا وقال: «صاروا فاضحين على الشاشات شي ١٠٠ ملف. سمعتوا شي حدا انطلب على التحقيق؟ شفتوا شي حدا توقّف؟!

بدكن فرصة؟ هيدي فرصتكم تقنعونا انّو تغيّر شي! #الهيئة_بعدنا_مطرحنا #لبنان_ينتفض». وأضاف في تغريدة أخرى: «يللي بقول ما في HAIRCUT بلبنان متل يللي بقول ما في CORONA VIRUS بالصين! بس الواحد يكون مجبور يسحب الدولار من المصرف باللبناني بـ 1500 ل. ل. و يرجع يشتريه عند الصرّاف بـ 2200 ل. ل. بكون قَص شَعرُو لَوَحدُو!! ما بقى تستحمروا العالم! العالم ما بقى تستحمروا!».


أشارت الممثلة نادين نسيب نجيم الى أنّها «سوف تتخلى عن أي شيء لأجل طفليها، حتى مهنتها»، لافتة إلى أنّها «لن تتردد في مغادرة لبنان ووقف أعمالها بسبب الأزمة المشتعلة حالياً، لأنها تضع مصلحة عائلتها أولاً». وأضافت: «صحيح أنني لا أزال أقيم اعتباراً لحياتي المهنية وأفكر في الفرص التي قد أخسرها إن قرّرت مغادرة لبنان، إلا أنني لن أتوانى عن المغادرة إن تطلب حماية أطفالي ذلك».


أعربت الإعلامية كارين سلامة عن غضبها من ارتفاع الأسعار بشكل جنوني في الأسواق، وغرّدت قائلة: «يا عمي في شي مش طبيعي بالسوبرماركات، يللي كانوا بخمسين الف صاروا بمية، شو هالفجور هيدا! لا عم نضهر ولا نروح ولا نجي وبدك مطبعة وراك، المصاري صارت مثل المي، شو هالكفر، أغلى بلاد العالم ارخص من هون، قرف يللي يقرفكم كرهتونا عيشتنا، عم نتنفس بس، حياة ما في».


أعرب الممثل بديع أبو شقرا عن غضبه من الأوضاع السياسية، وقال عبر «تويتر»: يلعن اختو هالبيان الوزاري اذا رح يعرف ينكتب، اصلاً هو لازم يكون محضّر كخطة للوزارة وياخدوا الثقة على اساسو. عمبتحاولوا تدَوروا زوايا لترضوا كل أطراف السلطة اللي جابتكن، يا ضيعان هالكَم إختصاصي اللي رح يحترقوا وما رح نستفيد من خُبُراتن شي. #ما_في_حل_إلّا_ثورة #كلن_يعني_كلن».


قال الإعلامي بسام أبو زيد عبر «تويتر»: «الفشل المتواصل في إدارة الدولة المركزية في لبنان يحتم التخلي عن هذه المركزية لصالح اللامركزية الموسعة. تمسك البعض بهذه المركزية لا هدف له سوى مواصلة السيطرة على مقدرات هذه الدولة وتجييرها لصالحه وصالح جماعته. التغيير الجذري في إدارة البلاد ونمط الحكم أصبح أمراً ملحاً».


لفتت الإعلامية ناديا بساط الى أنّ الثورة تُستغلّ في بعض الأحيان، وقالت عبر «تويتر»: «ما حبيت كلّ الدعايات اللي استعملت شعارات الثورة بهدف التسويق متل كلن يعني كلن بخمسين بالمية وثورة ع الاسعار ولبنان ينتفض ع الغلا. هيدا استغلال كمان لوجع العالم واستخفاف وهيدا رأيي. فكرّ فيا».


أعربت الإعلامية لارا نون عن حزنها على الناس بسبب الفقر الذي يجتاح البلاد، وسردت عبر «تويتر» واقعة أليمة عاينتها: «بمنطقة الدورة... لقيت ولد زغير حاطط 4 حجار ومعَربَش عليهن ليطال برميل الزبالة... قربت صوبو قلتلو تعا نروح ناكل شي مطرح... بَرم قلّي مش جوعان عم نبِّش على دوا لإمي... قلتلو إمك وين؟ قَلّي إمي راحت تنظف البيوت متل دايما وما رجعت «قالولي الجيران إنها مطَولة بالرّجعة لأنو ما لقيولا دوا».


غرّد الفنان سعد رمضان تعليقاً على الوضع في لبنان وقال: «نبحث عن صيني مريض يعطس في مجلسي النواب والوزراء»، وأضاف: «الهدية ستكون مجزية».