| أعربت الفنانة كارول سماحة عن استيائها من الناشطين الذين يظهرون حقداً وكراهية تجاه الثورة التي شهدها لبنان. وغرّدت قائلة: «بتأسف كتير انو في قسم كبير من الناس اللي معتبرين نفسن رواد الثورة وضد الزعامة والطائفية: بجملة زغيرة بتكتشف إنو كلو مزيف وقلبن مليان حقد بيرجع 20 سنة لورا: عونية VS قوات يعني ميشال عون وسمير جعجع بحد ذاتن سامحوا بعضن! وهني ما قادرين يتخطوا هالعقدة! طب كيف رح نتعايش مع بعض خبرونا؟». وتابعت: «وبيسألوني ليش وقفت تعليقات عن الثورة...من كتر ما في ناس راكبة الموجة، وعم يعطونا مواعظ بالعلمنة واللاطائفية بس من الواضح انو بعدو زعيمن ماشي بعروقن! وللأسف كتير ناس ساذجة مصدقتن، رجاءً اذا حابين تفتحوا صفحة جديدة قبل ما تطالبوا بمحاكمة الفساد نضفوا الفساد والحقد اللي بقلوبكن».
|
| توجّه الممثل بديع أبو شقرا الى السلطة القضائبة مغرّداً: « طيب يرضى عنّكن، شي حُكم قضائي واحد الو دخل بالفساد، واحد بس، يعني منشان صَيبة العين، أحسن ما تطلع بعين الصبي....#تحرير_القضاء #كلن_يعني_كلن #ثورة.» ورأى أبو شقرا في تغريدة أخرى أنّ «الثورة تهدد مكوّنات كانتونات الطوائف وأحزاب السلطة في عقر دارِها، الثورة هي البديل عن السلطة من أعلى الهرم إلى أسفله».
|
| غرّد الإعلامي سارج زرقا وقال: « أكبر متل على عدم تحمّل الدولة لمسؤولياتها هو ما يحصل مع المصارف. CAPITAL CONTROL غير معلن و HAIRCUT مفروض على الجميع». وأضاف: «الواضح انّو القصة مطولة، بالقليلة 3-4 سنين اذا أخدنا الإجراءات اللازمة للخروج من الأزمة واولها وقف الهدر وتسكير «الصناديق». وتابع زرقا في تغريدة أخرى: «نحنا بدولة بتعرف بيت يللي سكّر طرقات بس ما بتعرف بيت يللي سرق ملايين!».
|
