كتابات تستحق النشر

سَعلِه... بتردّ الروح

جدّي اللي كانت

سَعلتو حَدِّه

وْحاطط دوا السعلِه

عَ المْخدِّه

يْقلّا: «يا حَجِّه

ليش فزعانِه

لْ عندو عمر

ما بْتقتلو شِدِّه»…

ينطر «وديع»

يْرندح غْناني

وْيغفى عَ «سهرة حبّ»

ولعانِه

لمّا «بو صالح»

يفتح الردِّه...

وْستّي تقضّي الليل

قلقانِه

بْتعرف حدا

بالشارع التاني

من عمر جدّي

مات من مدِّه

وْلَ بْعيد صوت الموت

بيْودّي...

تبقى لَ وجّ الصبح

سهرانِه

لو وقّف السعلِه

تحسّو مات

وْما تْنام إلّا

لَوْ سعَل جدّي

• كتابات
• كتب
• شعر