نشر الممثل فؤاد يمّين صورة قريب له على "فيسبوك" كشف من خلالها عن فقدانه بسبب فيروس "كورونا". وعلّق يمّين عليها بالقول: " يا ابن عمتي، و يا صديقي... كان إلي الحظ آخر خمس سنين بحياتي اني مضّي معك وقت بأبيدجان، وشوف حبّك، وكرمك والضحكة يللي ما بتترك وجّك...
ما بتذكّرك ولا نهار زعلان، ومش عم تنكّت وتضحك. الحياة ما كانت سايعتك، و كنت دايماً تخبّرني عن أحلامك، ومشاريعك يللي بدّك تعملا، وكنت من الناس يللي وين ما تكون تخلّي الكل حواليك مبسوط! بدّي اعتذر منك، ما قدرنا نعمل الدعاية يللي حكينا عنا لشركتك وأجّلناها، وبدّي اشكرك ع كل لحظة حلوة مضّيناها سوا...
الكورونا سرقتك منّا، بس انت بقلوبنا رح تبقا عطول، كل ما نتذكرك نبتسم ونقول، شو كان حلو هالإنسان.
الله يصبّر مرتك وولادك، وامك وإخواتك...
بيت شباب وابيدجان اليوم مكسورين...
الله يرحمك".
