تزامناً مع استمرار الحرب الإسرائيليّة على لبنان، أطلق الملحّن هيثم زيّاد بصوته أغنية وطنيّة بعنوان "للجنّة جار"، لحّنها زيّاد، وسُجلّت في استوديو بودي نعّوم الذي تولّى التوزيع الموسيقي، والأغنية من إنتاج مارون بو فرحات.
وتقول كلمات الأغنية التي كتبها ربيع يعقوب:
يا وطني يا موجوع
صعبة نكفّي من دونك
بكِيت علينا كتير دموع
تَ انمحى لون عيونك
رح نرمي عتمك بحجر
ونشقّو تَ يطلع قمر
علينا صبرت كتير كتير
أيّوب متلك ما صبر
منتخانق مين حَبَّك أكتر
إذا دمعك مالح أو سكَّر
سامِحْنا عَ الحب الطايش
إن شالله ما وعينا مأخَّر
من أرضك عم تطلع نار
ع أبعد كوكب بتبيِّن
حَ نْرِدَّك للجنِّة جار
المستحيل علينا هيِّن
كلّ واحد حَبَّك عَ ذَوقو
خَنَقَكْ مِن شِدِّة شوقو
الواقف عَ ترابَك حاسس
تحتو السَّما منَّا فَوْقو
من أرضك عم تطلع نار
ع أبعد كوكب بتبيِّن
حَ نْرِدَّك للجنِّة جار
المستحيل علينا هيِّن
