كتابات تستحق النشر

جَيْشَك قَلَم

لقمِة لـْ كِلمِه مْغَمَّسا ..

بْـ كاس الحِبِر عالرِّيق

تـَ الشَّمِس تضْرب إلا سْلام العَيِن ..

..حُرَّا

ما في سَطِر مَـ بْيِنقَتَل ..

تا راس قَلْمو يْلِيْق

بيـ أسوَدو ..

يبْرُق عَدِلْ عالدَّم يِتْعَرَّا

يِلْبِس مَدا الصَّفحات ..

أبْيَض وَطَن قَرَّا:

بَدَّا الحَقيقَه رْكاب ..

توقَفْ تْخَزِّق ضِيقْ

عَن شَعِب ..

حَرَّرْ عا وِجّو الشَّمِس .. وتْمَرَّا

عَـ قْزاز حالو لـْ ما انْدَقَر ..

قالو انْكَسَر .. والله ..!!

"لقمان" : يا طوفِة البركان بيـ صُرَّه

صُرَّه لـْ كُتُب ..

عَمـ تِنفَتَح .. لـَ عَتِم أعما ..يْضيق ..

مَخْنوق :

نازِل بيـ جَمْرو بـْ هالعَتِم تِخْنيق

جيعان: مِنُّو لـْ حِقِد ..

اللي مْعَيَّشو بَرَّا

خَتِّم بَعِد عـَ رْماد ..

بِـ قْلام مِحْمَرَّا

سْرارُن بيـ جَرَّه مْعَفَّنِه ..

بالِع فيا التِّغْريْق

خَتِّم بَعِد عالضِّيق .. تِتْفَجَّر لـْ جَرَّه

"لُقمان":

شِبْر لـْ قَلَم كَسَّر بـِ شَرُّن .. فيقْ

قلْمَك ...

اللي ضَوَّا لـْ خَتِم عا دَمّْ الطَّرِيْق

طَهَّرْ كُتَب ..

وَعَّى الدِّني بْـ شِبْرين من شَرَّا

في شِبِر غَمَّقْ بالْـ حِقِد .. تِخْزيق

وفي أمّْ كَفَّا .. جَمَّع التِّفْريْق ..!!:

أختَك لـَ خَيَّا بْلاد ..ما في بِكي قَلاَّ:

غَصِّة بْلادي لَيْش ..!!؟؟

عا حَرِقْتي لـْ مُرَّا

مَوت الوطَن رجَّال ..

كِكْ مـَ انْقَتَل عَلاَّ

-من تْراب وَجْعو .. عَلَّمو التِّفْتِيْق -

وعنَّا شَهامِه تْقول:

ما ماتْ بالمَرَّا .

• لقمان سليم