روي أبو زيد

فنّانو لبنان يستهزئون بالحكومة الـ"تكنوسياسية": البلد ع كفّ عفريت

7 تشرين الثاني 2019

10 : 11

يُعرب فنّانو لبنان عن أفكارهم وآرائهم بالوضع المحليّ الراهن، إذ باتوا يعبّرون عن أفكارهم بحريّة تامة ومن دون خوف:



أعربت الفنانة إليسا عن إعجابها بما يقوم به طلاب لبنان من كافة المناطق، واعتبرت أنّهم ينادون بحقّهم لمستقبل أفضل. وغرّدت: «طلاب لبنان بيكبّرو القلب... إنتو المستقبل الحقيقي والوعي يللي عم تفرجوه بيأكد إنو الشعب منو مخدّر متل ما فكّرو السياسيين». وأضافت: «تحية كبيرة لإدارات المدارس يللي وقفت حد طلابها تا تعلّمن الديموقراطية»، وختمت: «يسقط حكم رجال الدين». وفي تغريدة أخرى شدّدت على رفضها عودة الوزير جبران باسيل الى الحكومة بالقول: «عم يحاولو يضيّعو الثورة ويعملوها مشكلة عا الطرقات وبين الناس. هيدا مش ممكن يصير لأنو عم يضيعو الثورة. بهالوقت هني عم يشتروا وقت وعم يحفظوا مقاعدن ومراكزن. مين قلن بدنا حكومة مع جبران باسيل ونفس الطبقة الفاسدة مع سعد الحريري؟».




كتب الإعلامي وسام بريدي رسالة مؤثّرة على «تويتر» مستذكراً شقيقه الفنان عصام بريدي الذي كان توفي بحادث سير مروّع. ومن وحي التطورات التي يشهدها لبنان منذ 20 يوماً، قال: «صوتي صوت خيي وخيك اللي خسرناهن على طرقات لبنان بسبب مسؤولين مش مسؤولين، صوتي صوت إمي وإمك اللي خسرت إختي وإختك بالغربة، صوتي صوت بيي وبيك اللي حاسين حياتن صارو عبء على ولادن، صوتي صوت وجع، فما بقا حدا يقلي ليش عم تحكي لانو لو مين ما كنت وجعي هو وجعك ومتلي متلك». وأرفق بريدي هذا التعليق بصورة له بينما كان يجلس في دير وخلفه يظهر الصليب، في جلسة تأمل وصلاة.



توجّه الممثل أسعد رشدان الى المسؤولين في السلطة بالقول: «أتطلّع الى يوم أراكم فيه تهرولون الى المطار والثوار يمنعونكم من الهروب»، مضيفاً: «بعرف رح تكوعوا عالمصنع. بس كمان رح تكون صعبة»، وأعرب عن تمنياته لافتاً: «بتمنى شغلة وحدة: إنو اهل السلطة يتهجروا ولادن كل واحد ببلد وما يقدروا يشوفوهن اكتر من مرة بالسنة». وردّاً على الوزير جبران باسيل قال رشدان:» رح يجي يوم تضطر تعمل عمليات تغيير وج، لما حدا يعود يعرفك. اما بالنسبة للطول، فما عندي فكرة».



شددت الممثلة ماغي بو غصن على أنّ «ثورة الطلاب اولادنا تعلموا كيف يطالبون بحقوقهم والأهم لماذا. الوعي لمستقبلهن من أسس تربيتنا لهم. الله يحميكن ويعطيكن مستقبل زاهر وحلو متلكن».




أبدى الممثل يوسف الخال قلقه في حال عادت الطبقة السياسية ذاتها لتحكم لبنان من جديد، والتي يتظاهر عدد كبير من المواطنين اللبنانيين لإسقاطها. وغرّد الخال قائلاً: «الله يسترن ويسترنا ويستر البلد إذا رجعوا هنّي ذاتن هالمرّة»، مشيراً الى أننا برمجنا إنو كل حلّ بلبنان «موقّت» ومنعرف إنو كل مشكل بلبنان «موقّت». #لبنان__ينتفض




أشارت الممثلة داليدا خليل الى أنه «لأول مرة صدقت انو البلد ع كف عفريت... صورة القلق يلي عم نعيشوا على يوميات لبنان... يا جماعة لقمة الفقير أهم من كل المناصب عنجد في ناس ماتت من الجوع واخرين عم يناموا بلا أكل». وأضافت: «جيل المستقبل، طلاب الغد المشرق، كل الاعتزاز بموقفكم الوطني وتضامنكم بعد ان طالتكم نيران الفساد وفرضوا عليكم المجهول... انتفاضتكم وسام جديد على صدر الوطن»، وأرفقت تعليقها بهاشتاغ: #ثورة_الطلاب #لبنان_ينتفص.




استهزأت الممثلة نادين نسيب نجيم بما يسمّى بحكومة «تكنوسياسية»، وأشارت الى أنّ هذا الأمر غير مقبول بعد تظاهرات الشعب اللبناني في مختلف الأراضي اللبنانية. وغرّدت قائلة: «كل أنحاء العالم وبالقاموس اسمها تكنوقراط. بلبنان اسمها تكنوسياسيين»، مضيفة: «كيف زبطت معهم ما بعرف طيب عبالنا حكومة تكنو بلا سياسيين وبلا... هيك الكل بيرتاح ونحنا منبسط».




أشارت الفنانة أمل حجازي في تغريدة عبر حسابها على «تويتر» الى أنه «اذا حدا دافع عن زعيم فاسد جاوبوا بكلمتين الله يحشرك معو بالآخرة». وأرفقت كلامها بهاشتاغ: « #إجا_وقت_التغيير


يلفت موقع نداء الوطن الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.